Diadomingo anochi por a tuma nota cu Cruz Cora a presenta na un cas na Bubali unda un señora di edad ta biba suso. Su cas tabata bou di awa, e awa a drenta paden mas cu 20 centimeter di haltura. tur loke ta paden a keda afecta pa e awa. Su cura tabata bou di awa sin salida pa asina e awa baha. Cruz Cora su personal a drenta accion y cuminsa coba buraco pa asina e awa core bay riba caminda. A yama mandatarionan pa nan ta na altura di e situacion pa manda instancianan por manda ekipo pa yuda baha e awa lo mas pronto posibel den e area. A duna e señora boter di awa pa bebe temporario te ora cu soluciona e awa den su cas.