Cruz Cora Aruba kier gradici un y tur cu den e ultimo tres siman a organisa eventonan pa colecta producto of simplemente a yega mesora cu donacion pa yuda Cruz Cora yuda St. Maarten. Cu ayudo di henter comunidad di Aruba, service clubs, organisacion, instancia, scolnan, wholesalers, hotels, supermercado, restaurant y otro companianan, Cruz Cora Aruba por a manda te cu awo lo siguiente:
14 di September: 2000 kilo na lona, pampers, awa, cot, cuminda
15 di September: 5 palet di awa y 3 pick-up pa por mobilisa y yuda cu distribucion na St. Maarten
18 di September: 101 caha di 10 kilo di cuminda
28 di September: 1 container cu 20 palet di awa, 1 container cu 10 palet di awa, 2 palet di voedselpakket, 2 palet di pampers pa adulto, 2 palet di pampers pa Baby, 2 pallet di comestibles mixed, 1 palet di aroz, 1 palet di Ensure, 50 bulto di papel di wc.
1 container cu 12 palet di voedselpakket (40 pa pallet), 1 palet di awa, 1 palet di aroz, 1 palet di keeshi di botter, 1 palet di kits di productonan higienico, 2 palet di babyfood, 1 palet di paketenan pa baby, 1 palet di pampers, 75 stroller, 2 car seat, 11 bulto di forki, cuchiu y cuchara di plastic, 11 caha di maandverband, 3 bulto di papel di wc, 30 Caha di tayo di foam.
Cruz Cora Aruba mes lo ricibi e cargacion aki na St. Maarten y lo percura pa distribucion. E weekend aki tin otro grupo di 12 voluntario cu lo ta biahando pa St. Maarten y lo sigui cu e trabou di Team 4.
Cruz Cora Aruba kier anuncia di e forma aki cu ta ricibi donacion di producto te cu:
DIARANSON, 4 DI OCTOBER
Despues di e fecha aki, por sigui haci un donacion riba e cuentanan di banco di emergencia special pa yuda cu tur trabou y material na St. Maarten:
Aruba Bank # 038.401.0390
Caribbean Mercantile Bank # 641.733.07
Na mes momento, kier gradici tur voluntario di Cruz Cora Aruba, Jeugd Rode Kruis y Grupo Scout Jan Lobrecht cu a traha dia y anochinan largo pa tur e simanan aki pa mantene nos portanan habri te anochi laat, ricibi donacion den warehouse, sorteer, paketa y load den container. Tambe companianan cu a yuda haci tur esaki posibel: GP Cargo, Bohama, Bon Bini Cargo y King Ocean.
ARUBA…MASHA MASHA DANKI!