Cruz Cora Aruba a tene un conferencia di prensa caminda cu a keda anuncia nan fundraiser anual. Cruz Cora ta depende di donacion y patrocinacion pa yuda comunidad di Aruba y ta pesey ta importante pa sigui recauda fondo. Pesey e evento cu lo bay tin dia 10 di Juni lo ta di suma importancia.
Segun Indra Anthony-Pereira ta operations y marketing manager na Cruz Cora Aruba, miembronan di prensa lo ta e voz den comunidad. E sponsornan di biña, sin nan no sa con pa cuminsa. Surfside Marina a bira e cas di e evento tur aña y ta hopi gradicido pa loke nan ta haci pa Cruz Cora.
E aña aki e fundraiser ta mas special cu nunca, ya cu ta celebrando 60 aña y pesey tambe a invita un gran artista pa join dia 10 di Juni.
Robert Jeando’r lo bay tey presente cu Solo Banda Show y lo tey hunto cu Megateca Metropolis. Asina ta tin cu prepara e pianan.
E tema e aña aki ta Red Cross goes Bollywood. Ta bay tin un explosion di color riba e dia aki. E winesupplier pa e aña aki ta Romar Trading, Manrique Capriles, Playa Liquor, Arion Wine Trading, Hodgson Trading.
Anthony-Pereira ta invita tur cu kier aporta na Cruz Cora Aruba, pa cumpra ticket di e evento. Esaki ta solamente 300 florin pa pareha y ta obtenibel na Cruz Cora su oficina den Pedro Gallegostraat na Dakota y cerca cada miembro di e directiva. Ta haci e apelacion aki mirando cu esaki ta yuda pa asina Cruz Cora por sigui cu su trabao.
Indra Anthony-Perreira a sigui splica cu nan tin un team caminda cu a brainstorm varios luna pasa y pa un evento di 60 aniversario kier a haci algo hopi colorido, cu ta duna un calor di Cruz Cora. E colorscheme ta Cora, Fuschia, Oro, Bronze y Oranje. Nunca ta eigenlijk pone un dress code, pero ta haya hopi great cu durante e ultimo añanan, Cruz Cora ta haya sorpresa na porta ora di ricibi su invitadonan, tur hende cu a presencia e fiesta ta haci nan best. Esey tabata un indirecta pa esun cu tin gana di participa un tiki cu e tema, ta bon bini pa haci esaki. Esey ta duna e fiesta un tiki mas smaak.
E fiesta aki lo bay cay riba un diasabra, for di 8’or di anochi pa 1’or di marduga.
Anthony-Pereira ta encurasha tur hende pa no cana kibra e fiesta 10’or. Bin 8’or, ya bo ta probecha. E ticketnan ta obtenibel entrante diabierna na Cruz Cora.