Cruz Cora Aruba su programa pa nos grandinan

Otro siman, diamars 16 di juli, 2019, Cruz Cora su programa “Biba Bida” lo ta bishita Centro di Bario Noord. E programa aki ta pa tur adulto di 65 aña of mas cu kier topa cu otronan pa socializa, cu ta busca recreacion y na mes momento siña algo importante cu den e caso aki lo ta “Prome Auxilio y Prepara pa Horcan”. E mainta lo cuminsa tambe cu un sesión di Yoga riba stoel.

E actividad ta di 10’or di mainta pa 1’or di atardi y por registra na tel. 582-2219. E programa Biba Bida ta completamente gratis y tin varios actividad tras di lomba p.e.: Centro di Bario Lago Heights unda Santa Rosa a duna workshop, Eleccion di Reina Biba Bida durante temporada di Carnaval y ultimo na mei, otro workshop di Santa Rosa y sesión di Qi Gong.
Cruz Cora Aruba ta invita tur nos grandinan cu tin interes pa join, pa yama pronto di registra na tel. 582-2219.

Comments

comments