Durante e ultimo simannan di aña, Director di Cruz Cora Aruba, Sr. Michel La Haye a bishita e partnernan strategico di Cruz Cora pa gradici nan pa tur e sosten durante 2017. Asina tambe, a bishita Aruba Airport Authority y a haci entrega di e moneda conmemorativo di 60 aña di Cruz Cora Aruba na Sr. Fazio, Sra. Brown y Sr. Essed. Aruba Airport Authority ta un partner strategico di Cruz Cora pa varios aña caba y ta aporta financieramente na e trabounan di e organisacion.
Companianan manera Aruba Bank, C3, Aruba Time Share Association, Amsterdam Manor y F.M.S.A tambe ta forma parti di e “Strategic Partnership Program” y cu hopi entusiasmo ta sostene proyectonan hopi interesante di e organisacion. Cruz Cora Aruba ta gradici su partnernan cu ta haci e trabou di su boluntarionan posibel pa comunidad pa Aruba.
Companianan cu kier sostene e trabou di Cruz Cora por expresa e interes aki via [email protected] y asina por haya un bishita y presentacion di e organisacion y asina uni na e famia di Cruz Cora Aruba.