Despues di diadomingo ultimo, Aruba a keda hopi afecta pa daño di awa. Cruz Cora a haci hopi bishita na casnan cu a perde tur cos, esaki mas den areanan di Palm Beach y Madiki. Ainda ta sigui cu bishita pa por tin un bon bista cuanto cas mester ayudo pa asina e famianan por lanta bek riba pia.
Pa e motibo aki, Cruz Cora a wordo acerca pa Minister President diamars mainta pa colabora cu un accion di ayudo pa e damnificadonan. Cruz Cora lo ta encarga cu e bishita na e casnan afecta, lo inventarisa kico ta necesidad di cada uno y lo raporta esaki na un centro di coordinacion di Gobierno. Asina for di e punto aki, por coordina limpieza di e casnan y tambe e centro aki por adkiri muebles necesario etc. Distribucion tambe lo ta bou encargo di e centro di coordinacion aki.
Pa haci tur esaki posibel, ta duna e oportunidad na comunidad pa duna su aporte pa medio di un donacion via Cruz Cora Aruba pa asina e centro di coordincacion tin fondo pa adkiri tur loke tin mester. E fondonan aki lo wordo maneha y supervisa pa Cruz Cora Aruba. Pa haci donacion por deposita riba e siguiente cuenta:
Aruba Bank # 038.401.0390
Na nomber di: RODE KRUIS ARUBA pa “flooding Nov 20”
Tambe por haci donacion di cama pa un of dos persona, kashi y productonan di limpieaa. Esaki por informa Cruz Cora na tel. 582-2219 of [email protected] dunando nomber, adres y telefon pa asina por pasa esaki pa e centro di coordinacion.