Den e reunion di bestuur di Cruz Cora Aruba cu a tuma luga recientemente, Sr. Eddy Oduber a traspasa e funcion di Presidente di bestuur na Sr. Stephen Daal. Sr. Odubera eherce e responsibilidad aki for di 14 di November 2013 y su termino di 4 aña ta yegando na su fin.
Pa 4 aña, Sr. Oduber a dedica su mes na e organisacion cu hopi entusiasmo y profesionalismo. El a traha hopi cerca di e boluntario, semper teniendo nan bienestar na prome luga. Sr. Oduber ta desea Sr. Daal hopi exito y ta sigur cu e tambe lo haci e trabou aki cu hopi dedicacion y responsabilidad. Sr. Oduber lo keda como miembro di bestuur pa un Cruz Cora Aruba fuerte y paraat.
Riba potret adhunto por aprecia Sr. Stephen Daal asistiendo boluntarionan durante “Operation SXM” den luna di September.