Desde dialuna ultimo y pa un periodo di 8 siman largo, e crusada di Santa Helenastraat y Driemasterstraat lo ta completamente cera pa tur trafico, na ambos banda di caminda.
A pone suficiente borchinan di aviso di trafico banda di caminda, incluyendo iluminacion suficiente y baricadanan, pa por alerta automobilistanan for di leu caba.
Departamento di “Verkeersplanologie en Onderzoek” di Cuerpo Policial Aruba ta haci un apelacion riba automobilistanan, pa tene cuenta cu e desviacion den trafico durante e periodo ariba menciona y pa baha velocidad y core cu mas cautela den vecindario.
A tuma e medidanan aki di siguridad relaciona cu trabounan andando pa reconstrui dicho crusada, cu pronto lo bira un rotonde. Cu e cambio aki Polis ta convenci cu lo percura pa un miho fluho di trafico den henter e area, cu sa ta hopi ocupa durante oranan cu tin trafico pisa.