Na aña 2012, Cruz Cora Aruba a introduci un programa yama “Het Witte Licht” cu lo a bai fungi como un “pilot” pa constata si e proyecto tabata necesario den comunidad. E proyecto aki tabata consisti di encuentronan social/educativo pa personanan 65 plus. Di un “pilot” ela bira algo consistente, unda un grupo di 40 hende grandi tabata wordo invita algun biaha pa aña pa un mainta of atardi pa un encuentro y siña, por ehempel, tocante prevencion di candela; prome auxilio; con pa usa remedi responsablemente; con pa prepara pa horcan y otro topiconan unda nan ta siña con pa yuda nan mes den un situacion y na mes momento disfruta den grupo.
Despues di 6 aña, Cruz Cora Aruba por informa cu e programa aki lo bai expande pa yega mas cerca di nos grandinan, den nan mesun bario. Tur luna, e programa lo ta “on the road” pa bishita varios centro di bario. E nomber cu a scohe pa e programa aki, ta “BIBA BIDA” cu ta e mensahe cu kier hiba pa e grandinan. Biba…siña, recrea y disfruta!
E prome encuentro lo ta pa comunidad 65 plus pariba di brug, Diaranzon, 14 di november na Centro di Bario Lago Heights. Entre 9am y 12pm, e grupo lo haña un tremendo workshop di Santa Rosa tocante cuido di mata y matanan medicinal. Participacion ta completamente gratis y por registra na tel. 582-2219 serca Nathalie Rietman.