For di nos coleganan di Boneiro Live 99 Fm di di Aimed Ayudi a publica e siguiente informacion di e Crocodil cu ya tin dos dia sin wak e.
Notisia Live 99FM ta sigiendo masha djaserka e desaroyo tokante buskeda di e krokodil ku a keda señala den laman na altura di sorobon i lac.
Djamars atardi lat a señala esaki pega ku waf di piskado i a bati alarma.
Stinapa a presenta mesora, polis a presenta i Kmar tambe tabata tey.
Nan mes a graba video i saka potret pa verifika e eksistensia di e bestia aki na sorobon.
Por a aktua mesora pero no a hasi esaki.
Sigiente dia a pone un rueda di prensa pa bin splika ku e por ta un di e sorto nan di krokodil ku ta ser proteha mundialmente.
Stinapa a buska un eksperto lokal pa juda nan buska e krokodil i pa saka esaki for di e laman na sorobon.
Ta buskando solamente parti mainta trempan i atardi lat pa e bestia aki pero te ainda no a topa kune.
Por a uza diferente sistema pa atrae e krokodil aki i purba gara e pa saka e for di laman pero pa straño ku esaki ta zona nos no ta mira esaki sosode.
Mas bien algun persona ku ta sigiendo e moveshonan djaserka ta sinti manera kos ku no ta hasiendo lo sufisiente pa kwe e bestia aki.
Den komienso a duna ordu ku si e ultimo opshon ta pa elimina e bestia aki pa saka e foi laman lo hasi esaki.
Pero despues di e prome rueda di prensa di gezaghebber i e direktor interino di Stinapa por a sinti ku e tono a kambia pa ku kon mester dil ku e krokodil aki.
Ultimo dos dianan e moveshon tabata mas bien limita i slow.
Te ku awor aki ni gezaghebber tampoko e direktor interino di Stinapa no a komunika mas tokante e asuntu aki ku ta unu hopi serio.
Notisia Live 99FM ta hañando basta reakshon di pueblo di Boneiru ku ta puntrando nos kiko tin prioridat i mas balor bida di hende of bida di e krokodil.
Nos lo sigi hasi pregunta te ora nos haña kontesta riba esaki nan.
E situashon ta birando basta mas serio i ferfelu.
Ta reina un silensio demasiado sospechoso rondo di e asuntu aki.
Nos lo sigi investiga pa mantene pueblo di Boneiru bon informa.
