E seleccion di Croatia pa prome biaha den su historia ta yega un final di mundial despues di cu el a gana Inglatera cu’n gol trempan den e tempo extra. E ‘Three Lions” a coy delantero na di 5 minuut cu’n gol di Trippier, pero nan a perde control di partido contra di e Balcaniconan, cu a pasa di menos pa mas den e di dos tempo.
Persic a score e gol di empate den e di dos parti y Mandzukic tabata e heroe den e tempo extra cu e gol di triunfo.
Asina tambe, Inglatera ta keda cu gana di e copa y awo e lo mester bay hunga pa e di tres y cuater luga contra di Belgica.