Proximamente, dia 13 di maart, lo tin e competencia di Poeta di Patria. Esaki lo tuma luga na Scol di Arte (San Nicolas) y ta cuminsa pa 7 or di anochi.
Relaciona cu esaki, siguientemente ta publica e reglanan cu e participante mester cumpli cun’e, pa e ta un Poeta di Patria. Ultimo dia pa entrega e poema lo ta dialuna 4 di maart y bo por manda esaki via email na [email protected]
Tema : Aruba y su Cultura
Exigencia
1. E poema mester tin entre 4 cu 9 strofa;
2. cada strofa mester contene 4 verso (regel);
3. e poema por rima;
4. e poema mester ta na Papiamento;
5. e poema mester expresa mensahe relaciona cu e tema: Aruba y su Cultura
6. poeta por participa cu un (1) poema pa participa
7. ultimo dia pa entrega ta: 4 di maart 2019, manda bo poema na: [email protected]
Nificacion di poema/poeta?
Un poema ta un texto poetico cu ta consisti di un of mas strofa
Un escritor cu ta skirbi poema, nos ta yama poeta. Un poeta ta expresa su emocion, sintimento y estado di animo pa medio di un poema, Mayoria biaha un poeta no ta conta un storia den un poema, pero e ta expresa emocion, un pensamento.
Ora di declama un poema, e poeta ta haci uzo di:
1. Su lenguahe corporal,
2. su stem; e ta haci bon uzo di entonacion y volumen;
3. articulacion: e ta pronuncia e palabranan bon y cla.
E idea ta pa e traspasa su sintimento p’e publico.