SPAÑA – E Portugues, Cristiano Ronaldo a rechasa un oferta miyonario di 300 miyon di Euro di un club di futbol Chines, su agente Jorge Mendes a indica diahuebs.
Den un entrevista na Sky Sports Italia, Mendes a splica cu Cristiano a ricibi un oferta di un club cu e no kier a nombra cu un sueldo di 100 miyon di Euro annual.
“Di China nan a ofrece 300 miyon di Real Madrid y mas di 100 miyon di euro annual pa e hungado, Mendes a bisa.
“Pero placa no ta tur cos. Real Madrid ta su bida. Cristiano ta feliz den Real Madrid y ta imposibel pa e bay China,” el a añadi.
E aña aki e clubnan di Super Liga Chines a gasta mas di 400 miyon di dollar den hungado, despues cu e presidente Chines Xi Jinping a indica cu e kier comberti e pais den un gran potencia futbolistico.
E siman aki mes, e Argentino Carlos Tevez a wordo ficha pa Shanghai Shenhua, cu lo duna 40 miyon di dollar annual di sueldo na e delantero durante e dos proximo temporadanan, loke ta convirtie den e futbolista miyo paga di mundo.
Fuente: NTN 24