BEIJING, China- Autoridadnan di un comunidad di zuid di China, caminda cu tin un importante implantacion di fe Cristian, ta obliga e creyentenan di e zona pa baha potretnan di HesuCristo, cruz of otro simbolonan religioso pa reemplasa nan cu e potret di e presidente di e pais, Xi Jinping.
Segun e corant ‘South China Morning Post’, miles di Cristiannan di e region Yugan, den e provincia di Jiangxi, a bay di acuerdo bou di presion, algun bou di menasa di stop di ricibi yudansa economico pa suavisa nan pobresa.
Ta ser calcula cu un 10% di e personanan na Yugan ta biba bou di e rand di pobresa (entrada menos di 1 dollar diario), porcentahe cu ta coincidi cu e cantidad di Cristiannan den e zona, según e corant.
Autoridadnan local a lansa un campaña di “transforma creyente di religion pa creyente di e partido”, incluyendo entrega di cientos di potret di e presidente Xi y bishita na lidernan di e comunidadnan Cristian pober pa convence nan pa nan cambia nan simbolonan religioso.
“Hopi campesino ta ignorante, nan ta kere cu Dios ta nan Salbador, pero despues di e trabao di e lidernan nan lo ripara cu nan a comete un fout y lo wak cu nan lo no mester apoya den Cristo, pero den e partido comunista”, segun e presidente di un di e asambleanan local, Qi Yan.
E aumento di e concentracion di poder den man di un solo lider, Xi Jinping, un proceso cu no a tuma luga na China, desde e morto di Mao Zedong 41 aña pasa, ta wordo compaña di casonan di culto na e personalidad di e actual presidente cu ta pone hopi corda e mesun situacion rond di e Gran Timonel durante e Revolucion Cultural (1966- 76).
Ta precisamente desde e fin di e movemento aki ora cu diferente taki di Cristianismo a drenta den comunidadnan rural y urbano di algun parti di China, formando un comunidad religioso creciente cu segun calculacionnan, ya ta supera e 90 miyon miembro di e Partido Comunista.
Durante e Gobierno de Xi, e presionan di e regimen contra di creencianan religioso, manera e kitamento di crusnan Cristian den e pais of medidanan di limitacion contra di e fe Islamico, bou di e capa di e lucha contra yihadismo.
Fuente: http://www.eltiempo.com