NEW YORK, Merca- Diaranson pa prome biaha e Conseho di Siguridad di Nacionnan Uni lo discuti e creciente crisis na Venezuela, despues di cu Merca a pidi un sesion informativo, tras di portanan cera. E sesion aki lo toca e temanan di e crisis humanitario y e simannan di protesta contra di gobierno den e pais Sudamericano.
Miles y miles di persona a sali ariab caya den e nacion Suramericano di 30 miyon habitante, hostina pa e falta di alimento, un crisis den e sector di salud y un inflacion cu ta sigui crece. Al menos 43 persona a perde nan bida door di e susesonan violento tumando luga na Venezuela, entorno e manifestantenan.
E manifestantenan ta exigi eleccionnan anticipa, libertad pa e activistanan cera, yudansa externo pa contraaresta e crisis economico y autonomia pa e poder legislativo, Asamblea Nacional, controla pa oposicion.
Un alto funcionario di asuntonan politico di ONU lo mester informa e Conseho di Siguridad di 15 miembro over e situacion.
“Na Venezuela, nos ta na rand di un crisis humanitario”, e embahadora Mericano pa Nacionann Uni, Nikki Haley a bisa den un comunicado, prome cu e reunion a cuminsa.
Presidente Maduro ta culpa oposicion pa e crisis petrolero y di e mortonan den diferente ciudad. E ta acusa su adversarionan di purba deroca su gobierno cu un golpi di estado apoya pa Washington.
Fuente: http://lta.reuters.com