CARACAS, Venezuela- Door di e indiferencia di e regimen di Nicolas Maduro, e conocido “Hospital di Mucha, J.M. de Los Rios”, ta falta ekipo, remedi y insumonan necesario pa e atencion di infantenan, cu ta suma na e condicionnan precario di e infrastructura y e falta di specialista.
Den apenas tres siman cuater mucha a fayece den e hospital J.M. de Los Rios mientras cu nan ta keda spera ariba un transplante di beenmerg despues di a wordo diagnostica cu leukemia.
E ta un sitaucion cu ta condea directamente na al menos 30 mucha y adolescente cu ta rekeri di wordo opera cu urgencia.
Dia 7 di mei ultimo, Giovanny Figuera di 6 aña, a fayece, segun informacionnan di ONG Prepara Familia.
E ta un situacion cu e integrante di Cecodap, Carlos Trapani a sigura cu autoridadnan a wordo avisa.
“Autoridadnan no a skucha y nan ta e unico responsabelnan”.
Den solamente 17 dia, Robert Labrador di 7 aña a bira un otro mucha cu no a logra sobrevivi e crisis humanitario di e pais.
E anochi di 25 di mei, Yeiderbeth Requena, di 8 aña a muri, kende su proceso di transplante no a tuma luga ya cu e regimen di Venezuela no a paga e debe cu e tin di mas di tres aña pasa cu’n clinica ubica na Italia, cual nan tabata tin convenio pa realisa operacionnan.
Apenas un dia despues Erick Altuve, e di cuater mucha interna den e hospital di mucha J.M. de Los Rios, sperando un transplante di rugbeenmerg.
A pesar di e clamor di e mayornan, activista di derechonan humano y ONG e bida di e menornan di edad no a wordo garantisa y leu di aplica e corectornan y inversionnan necesario pa mitiga e crisis humanitario, Nicolás Maduro ta inverti 50 miyon euro dne compra di arma y uniformam militar. Tambe e ta responsabilisa e gobierno di Trump pa e mortonan aki.
“Lamentablemente un otro mucha ta fayece sperando un transplante di rugbeenmerg como consecuencia di e blokeo comercial di Merca, cu ta stroba e transfer di fondonan pa institucionann Italiano di saluda cu cual PDVSA tabata tin un acuerdo pa atende e casonan urgente aki”, e canciyer Jorge Arreaza a expresa.