SAN JUAN, Puerto Rico- E crisis economico di Puerto Rico ta forsa gobierno na cera mas di 170 scol publico. Esaki ta como un medida di ahoro pa enfrenta e crisis economico cu e isla ta pasando aden. E accion ta responde parcialmente na e recomendacion haci door di e hunta di Supervision, e entidad federal encarga di administra e finanzas publico di e isla, for di cual Departamento di Educacion lo mester reduci 1 biyon dollar di su presupuesto.
Gobierno di Puerto Rico ta enfrenta un debe publico di casi 73 miyon dollar. E decision pa cera e scolnan a bin despues di hopi luna di evaluacion den cual e Departamento di Educacion lo mester consulta director-, maestro- y mayornan.
E scolnan cu lo wordo cera ta esunnan cu a wordo identifica cu’n cantidad abao di alumno of cual nan infrastructura ta deteriora.
E sistema di educacion ta maneha 1.297 scol. Gobierno a crea un sub- comitee interagencial cu lo evalua e uzo cu lo duna na e structuranan cera.
Departamento di Educacion di Puerto Rico a informa cu e ciere di e scolnan publico lo spaar mas di 7 miyon dollar anual riba su presupuesto y a confirma cu mas o menos 27 mil studiante lo wordo reubica na otro scolnan.
Fuente: www.cnnenspanol.com