WILLEMSTAD – Autoridadnan di aviacion Curasoleño, a tene casi tur avion di e compania di aviacion local Insel Air abao, pa motibonan di siguridad. Motibo di e medida ta debi na un antal incidente riba e vuelonan.
Un vuelo di Corsou pa Miami cu a tuma luga siman pasa, tabata tin un aterisahe di emergencia, despues cu e presion den cabina a cay afo. Pasaheronan mester a haci uzo di maskernan di oxigeno. Fuera di esey, pilotonan di e aerolinea a nenga di lanta vuelo na Sint Maarten na comienso di e siman aki, pasobra e black box no tabata den bon estado. Awo 80 porciento di e flota a keda staciona. Ta trata di di avionnan di e tipo MD80 y seis Fokker 50/70.
Isla isola
Insel Air a schrap ya un di su vuelonan internacional debi na dudanan riba siguridad. E compania di aviacion ta sinta financieramente den preta pasobra tin por lo menos 95 miyon Euro “wanta” na Venezuela. E pais ta nenga di cambia e Bolivarnan gana den dollar.
Diasabra gobierno di Corsou a dicidi di sostene Insel Air cu un fiansa di 17 miyon Euro.
Si Insel Air cay afo, Corsou di baina lo tin trafico aereo pa Boneiro y Aruba. Regionalmente e isla lo keda isola.
Fuente: NOS.nl