NAYARIT, Mexico – Den oranan di marduga di diaranson, varios persona arma a ataca e personanan cu a bay na un di baile di e pueblo, El Malinal, den e municipio di Xalisco, Nayarit.
Segun e informenan preliminar, mientras cu e personanan tabata fiestando riba e veld di deporte, ubica dilanti di e sede di e Comisario Ejidal, personanan arma a drenta e luga y a tira pa loco contra di e personanan pa despues huy.
Na e luga tabata tin dos polis municipal, cu a pidi asistencia di ambulance despues di e atake.
Segun informenan recompila na e sitio, tres persona a perde nan vida y al menos 12 a resulta herida. Algun di e heridonan a wordo hiba den autonan particular y na caminda nan a wordo pasa pa ambulancenan cu tabata bayendo pa e zona.
Autoridadnan no a duna mucho detaye di e atake y ta spera cu mas informacion lo sigui despues.
Algun ora prome a registra un enfrentamento na e luga Puerta del Sol, unda cu nuebe persona cu tabata secuestra a wordo rescata. Esaki a sosode durante un enfrentamento cu a laga cuater persona morto, entre nan un comandante di polis preventivo y tres presunto delincuente.