Criminal mas busca di Hulanda kier likida Peter R. De Vries

Peter R. De Vries

E top criminal Ridouan Taghi procedente di Vianen a duna ordo pa likida e reportero di TV Hulandes, Peter R.  De Vries. E reportero a wordo notifica algun siman pasa. “Primeramente nan no kier a bisami kende a duna e ordo. Y pesey mi a rabia masha hopi mes”, De Vries a declara. For di polis y husticia De Vries a wordo notifica cu e ta riba lista di morto di e criminal Ridouan Taghi. Debi na e criticanan cu De Vries tabata manda pa Taghi, asina De Vries a informa riba su cuenta di Twitter. Sinembargo, De Vries a saca e noticia aki afo apesar cu tanto Polis como Departamento di Husticia a bise pa no haci tal. Taghi ta un criminal peligroso y busca pa husticia pa entre otro e atentado riba e oficinanan di De Telegraaf na Amsterdam y tambe a menaza e reportero di husticia, John van den Heuvel. Taghi ta desde aña pasa riba e lista di criminalnan mas busca pa Husticia Hulandes y ta wordo considera como un di e lidernan den baho mundo di criminalidad di Hulanda. Ministerio Publico ta sospeche di cuater asesinato tambe. Actualmente tin un recompensa di 100 mil Euro pa esun cu duna e tip di oro y autoridadnan pone man riba dje.

 

Comments

comments