Crimen pasional na Hulanda

KERKRADE, Hulanda- Diaranson den oranan di merdia, ora di Hulanda, a tuma luga un crimen pasional. Aki ta caminda un homber ta mata un dama, door di hink’e cu cuchiu na su garganta pa despues huy. Ta trata aki di un dama di 42 aña di edad. Despues di un buskeda polis a detene un sospechoso, un homber di 52 aña, na Heerlen.

Durante di e buskeda, politie a haya varios tips valioso cu a conduci na e detencion di e sospechoso aki. A pesar di tur esfuerso haci door di e paramediconan, e victima ta bin disparce.

Segun medionan Hulandes, e sospechoso ta ex pareha di e victima, cu tabata wordo menasa constantemente door di e homber. E victima tabata tin asina hopi miedo, cu el a pidi un grupo di amistad, pa keda atento ariba su cas, pa cualkier novedad cu por sosode y pa haci compras y respondi pe. E tabata tin un prohibicion di yega cerca pa su ex pareha, pero asina mes e tabata kier a muda, ya cu e homber cerca, nunca e lo no tin paz. E homber no a menasa solamente e dama, pero tambe miembronan di su famia.

Comments

comments