TECNOLOGIA
CALIFORNIA, Merca- E creador di Facebook, Mark Zuckerberg, tabata blanco di critica despues di a haci un “tour” virtual di Puerto Rico, actualmente destrui despues di e paso di horcan Maria. Zuckerberg a haci esaki pa promociona un tool di realidad virtual (RV) di e red social. Según criticonan, esaki tabata un falta di sensibilidad di parti di Zuckerberg.
E prueba a wordo emiti en directo den un video di 360 grado y e avatar di Zuckerberg, tabata compaña pa e hefe di e realidad virtual di Facebook, Rachel Franklin, na kende el a comenta: “Un di e cosnan realmente magico di e tool aki ta cu por sinti mescos cu en berdad bo ta na eynan”.
Cu un tono chistoso y e cayanan di e isla den background, e responsabel di e red social a señala cu e y su colega no tabata den e mesun edificio na e momento ey, pero a trabes di e tool Spaces lo por establece “contacto visual”, despues di cual nan a “high five” cu otro.
Zuckerberg despues a comenta riba e esfuersonan di Facebook pa suavisa e situacion di emergencia na Puerto Rico, entre cual un donacion di 1.5 miyon dollar y un colaboracion cu Crus Cora pa pone ariba mapa e luganan cu mas mester di ayudo.
Medionan local y usuarionan a hay cu e promocion di e plataforma RV un “falta di sensibilidad” pa cu Puerto Rico.
“Mi obhetivo tabata pa mustra con e RV por genera conscientisacion y yuda nos wak kico ta pasando na diferente parti di mundo. Tambe mi tabata kier a comparti e noticia di nos colaboracion cu Crus Cora pa yuda cu e recuperación”, Zuckerberg a splica den un comentario di gradicimento cu a haci cu un usuario a presencia e “tour”.
Zuckerberg a ofrece su disculpa y a bisa cu hopi hende no a compronde e meta di e RV.
https://www.youtube.com/watch?v=cIA1AVpKt5c
Fuente: https://www.elnuevodia.com