LOS ANGELES, Merca- E animador Robert “Bob” Givens, kende a realisa e prome diseño di Bugs Bunny, e coneu mas popular di Warner Bros, a muri na Los Angeles, na edad di 99 aña.
Despues di a traha ariba varios shortfilms y den e pelicula “Snowhite and The Seven Dwarfs” na1937 pa e compania Walt Disney Studios, Givens a uni su mes na Warner Brother.
E Mericano tabata forma parti di e ekipo di dibuhante di Chuck Jones. Tabata na 1940 cu el a duna Givens e tarea pa pinta un personahe nobo: un coneu shinishi “aparantemente bon hende” cu a aparece formalmente den e comiquite “The Wild Hare” cu su frase ya conoci “What’s up, folks”?
Sin embargo e caricaturista a wordo manda pa e di Dos Guera Mundial, unda el a realisa peliculanan di entrenamento pa e ehercito Mericano.
Ora cu el a regesa di guera, Givens a bay traha cu Warnes Bros te na 2001. El a forma parti di The Looney Looney Looney Bugs Bunny Movie, Garfield, Tom y Jerry y Popeye The Marine.
Despues di su retiro, Givens a sigui cu su labor di professor y conferencista te cu su 90 aña.
Fuente: http://www.animationmagazine.net