Fundacion Rancho ta bin ta haciendo un esfuerso mirando cu hopi biaha nan a trece e problema di Venezuela na atencion di gobierno, na 2015 caba. Na 2016 nan a bin haya un documento for di gobierno, pa haci un intercambio comercial cu La Guajira, Colombia, mirando cu cada biaha tin e menasa di cierre di frontera di Venezuela cu islanan ABC.
Sr. Clifford Rosa a sigui bisa cu mirando cu nan ta conservando historia y cultura, ta papiando di markthallen y e Schoenerhaven. Ora di papia di historia, mester wak cua ta e paisnan cu semper bo tabata tin relacion cu nan. Y un di nan sigur tabata Republica Dominicana cu tin su historia na Aruba. Tur hende sa cual ta e marcantenan cu tabata trece fruta y berdura for di Santo Domingo, historicamente. A bay tira un bista, a bin haya sa cu por crea un ruta for di Santo Domingo pa Aruba. Tur e cosnan aki no ta pa solamente pa bisa cu ya, lo kier drenta den e mercado. E ta puramente mirando cu kier crea un mercado pa nos comerciantenan. Y asina garantisa e comerciantenan e producto cu nan kier, cu nan tin mester pa asina ey nan por haci negoshi cun’e, pa esun cu tin cu cushina. Pero tur ora ta haya cu tin cierto momentum, y aworaki tin un momentum atrobe pa haci un esfuerso, y como fundacion Rancho y tambe a base personal, Sr. Rosa ta haciendo su parti pa wak con por yuda y contribui pa resolve e problema aki.
Tur locual cu por haci pa mehora y yuda e fundacion, pero mester corda cu Fundacion Rancho a anuncia caba cu nan kier haci e Desaroyo Economico Rancho y esaki ta parti di e desaroyo economico Rancho, unda cu ta tende for di e comerciantenan kico ta nan problematica y asina ey, como fundacion nan kier habri porta y duna oportunidad na tur comerciante pa haci negoshi bou di e capa di Desaroyo Economico Rancho.
Hopi hende lo bay puntra pa e calidad y con e ta bay wordo exporta, Sr. Roza a bisa cu nan a haci nan investigacion, y a mira cu Santo Domingo tabata tin su momentum, cu el a para su produccion pa cierto problemanan pa nan por exporta pa Merca, Canada y Hulanda. Pero locual cua sosode ta cu nan a cay hopi den nan produccion. Y awo nan ta duna un garantia cu nan produccion kier pick up bek. Nan kier gana nan tereno bek na Merca, Canada y Europa, pero tambe den Caribe, nan kier exporta tambe den Caribe.
Aki ta bisa cu ta wak con pa yuda pa por encamina e proceso y asina ey purba trece e prome productonan. Via aereo tin posibilidad, pero Fundacion Rancho ta mik hopi ariba e parti maritimo. Ta p’esey ta papia pa varios aña caba pa nos educacion maritimo haya un atencion special mirando cu si keda depende di e hende cu tin cu trece producto pa nos, segun Sr. Roza nos ta keda haya e slanan aki y cu cada biaha ta bira mas duro. Pero si gobierno di Aruba tin manera di busca e producto y trece bek, ta un otor manera di pensa y un otro pilar economico. P’esey tabata un oportunidad pa Aruba tin un otro pilar economico.
Aruba ya caba tabata mester caba pa tin un plan B y no keda depende di exterior. Ya un dia despues di e cierre, fruteronan a sinti e esaki. Pero lamentablemente, pa hopi tempo caba a aborda e asunto aki, y pa motibonan financiero di e fundacion, tabata fastioso pa dal e paso. Pero nan ta keda cu e speransa cu pronto nan por inicia un pilar economico nobo, segun Sr. Clifford Roza, di Fundacion Rancho.