Apesar di aumento den cantidad di infeccion di Covid19, Corsou no mester tene miedo di restriccion di viahe pa e isla. Corsou ta keda riba codigo geel mescos cu Bonaire, y awor Aruba ta den codigo oraño actualmente bayendo pa geel, pero st. Maarten lo permanece oraño segun declaracionnan di Minister Mark Rutte. Pa dos siman caba tabata tin aviso negativo di biahe pa exterior cu excepcion di parti Caribense den Reino, mas vuelo na caminda na Corsou mientras cu infeccionnan ta sigui aumenta eynan.
Rutte ta bisa cu e situacion na Corsou ta preocupante pero a enfatisa cu medidanan firme a wordo tuma pa e gobierno di Corsou pa preveni e brote di e virus. Minister Rutte a referi na e RIVM cual ta continuamente monitoria desaroyonan na e islanan, pero no ta mira ningun aviso negativo di biahe pa Corsou actualmente.
Na otro banda, Antje Diertens di D66 a expresa cu e ta poco sorprendi cu Corsou tin codigo geel y Aruba tin codigo oraño: “Con minister ta revisa e cifranan aki di infeccion na Corsou? Corsou ta geel, pero Aruba ta oraño cu menos infeccionnan. Esaki no ta consistente. Ki ora nos ta bay cuminsa test tur cu ta biaha via aereo, riba tera y lama?” Diertens y su coleganan Jan Paternotte tambe a trece dilanti preguntanan durante e reunion parlamentario aki riba beleid di Coronavirus.
Fuente: KONINKRIJK.NU