Covid strobando celebracionnan di fin di aña rond mundo

Restriccionnan a wordo buta riba tur festividadnan di fin di aña rond mondo mientras cu hopi pais ainda ta bringando pa calma e brote di e virus. Shownan di vuurwerk y otro encuentronan publico tur a wordo cancela desde Sydney pa New York. Festividadnan ta particularmente para na Europa mirando cu tin un variante nobo di e virus cu a lanta cabes.

Francia a mobilisa 100,000 agentenan policial pa kibra fiestanan di fin di aña y pa reforsa toque de queda parti anochi. Mas cu 1.8 miyon di hende a muri di e virus rond mundo desde e inicio di e pandemia un aña atras. Mas cu 81 miyon caso a wordo raporta rond mundo.

Fuente: BBC

Comments

comments