Gerente Luigi Heredia recientemente a bin hunto cu su top empleadonan pa un desayuno na Water’s Edge Restaurant, Costa Linda Beach Resort.
Como invitadonan di e doño di restaurant Roy Leitch, nan a disfruta di platternan cuantioso y un experiencia comunitario tan aprecia.
Heredia a gradici su miembronan di ekipo pa e extra esfuerso cu nan a duna na 2016, cual a yuda e propiedad ricibi rankings halto riba search engines y den social media. “Ta mi placer,” el a bisa, “pa reconoce tremendo sernan individual cu ta haci contribucionnan considerable na nos compania tur dia. Nan ta cumpli cu nan obligacionnan profesional na e resort y ta conecta den maneranan sumamente profundo cu nos huespednan, kendenan ta bishitantenan regular balioso di nos isla.”
Costa Linda Beach resort recientemente a celebra su di 25 aniversario, despues di a habri na November di 1991. Como un di e isla su resortnan di timeshare mas grandi, Costa Linda ta disfruta di popularidad y prosperidad y actualmente ta desaroyando e tan anticipa Frangipani suites, cual ta consisti di cinco unidad adicional riba e piso principal, ofreciendo acomodacionnan di luho di 3 camber/3 baño y 2 camber/2 baño.
Heredia, kende ta na e resort pa mas di ocho aña, a raporta cu su compania, Royal Resorts Group, ta orguyoso di e Certificadonan di Excelencia consecutivo, premia pa TripAdvisor, Bookings. Com y gruponan similar, incluyendo un cantidad di premio di media ambiente cu ta dificil pa obtene.
Mientras cu e reconocementonan anual actual a wordo parti durante e fiesta di empleado di fin di aña, Heredia a yama dilanti un pa un su diesdos ganadonan di e titulo di “Empleado di Luna” pa gradici nan pa nan logronan; ademas di reconoce e supervisor y gerentenan cu a sobresali den nan trabou.
Esnan reconoci a inclui Juana Lopez pa Januari, Javier van der Linde pa Februari, Luzdary Calderon pa Maart, Felicia Sarmiento pa April, Marcela Monero pa Mei y Regina Rosario pa Juni, kende tambe a bay cu e honor di Empleado di Anja; Jurgen Marchena pa Juli, Rosa Rasmijn pa Augustus, Joshua Henricus pa September, Ilaysa Leanez pa Oktober, Joanne Oduber pa November y Brunic Croes pa December.
Cuater Supervisor a distingui nan mes durante e aña, esta Melina Paul den e prome cuartal, Anthony Gumbs den e di dos cuartal, Supervisor di Aña, Rolando Valdez, ganador di e di tres cuartal, y Franklyn Eckmeyer, den e di cuater cuartal.
Como gerente di aña, e empleado sumamente profesional y extremadamente cualifica, Miriam Rodriquez a gana e top honornan, y un ronda di aplauso di su coleganan.
E parti oficial di e mainta, ora cu Heredia a presenta su ekipo cu muestranan di aprecio, a wordo anima pa un grupo di huesped entusiasta, cu a bin directamente di e playa pa apoya y sostene e ganadonan.
Nan a bin hunto tambe pa expresa nan gratitud na dos miembro special di e ekipo, Rossy DeVeaux, Water’s Edge Restaurant, y Alfredo Cornet, RMH Security Service, kendenan no ta traha directamente pa e resort, pero ta dedica hopi tempo na cuida y sirbi e huespednan.
Tanto Heredia como Leitch tabata di acuerdo cu Rossy y Alfredo ta tremendo contribucionnan na nan operacion, ya cu nan ta provee huespednan cu un coneccion di curason y autentico na e isla y su hendenan.
Aki por mira algun momento di e celebracion.