E siman aki Cosecha San Nicolas ta cuminsa cu’n proyecto cu e studiantenan di Departamento di Moda di EPB Oranjestad.Soraida Wever, manager di tiendanan di Cosecha San Nicolas ta amplia.
Cosecha San Nicolas ta pone e vitrinanan di Cosecha San Nicolas na disponibilidad di e studiantenan pa asina nan por haya un luga unda nan por practica nan profesion. E studiantenan ta haya diferente disciplina durante nan trayectoria na scol. Y un di e disciplinanan aki at e trabao di un etaleur, dus e etalage (vitrina/showcase) di tiendanan. Despues di a papia cu e docente di e vak aki na EPB Oranjestad, Sra. Lorna Lemiga cu a splica cu nan no tin luga y cu eigenlijk ta necesario pa e sstudiantenan aki tin e posibilidad aki.
Di biaha Cosecha a haci e trabao necesario pa haci posibel pa asina hopi lihe y esey ta e caso tameb cu e siman aki, nan ta bay cuminsa e proyecto aki hunto cu e grupo di studiantenan. E proyecto aki lo keda te cu fin di Aña y studiantenan lo cambia e vitrinanan di Cosecha San Nicolas, y lo interesante aki ta cu pueblo por subi bin San Nicolas pa admira e trabao di e studiantenan di EPB Oranjestad.
E prome oportunidad ta cuminsa desde diabierna, 23 di november parti atardi. Pa esunnan cu no por warda, di mes cu nan ta mas cu welkom pa bin San Nicolas y ta spera hopi publico door cu tin un evento den Promenada cu ta e caya unda cu Cosecha San Nicolas ta situa. Te asina leu, Sra. Soraida Wever, manager di Cosecha San Nicolas.