Diabierna 13 di october, Cosecha ta organisa un creative workshop den tema di Buda. Cosecha ta hasi esaki hunto cu e artesano Maja Lepsanovic cu ta traha cu driftwood.
E workshop di dia 13 di october ta uno unda e participante ta traha cara di Buda cu e material di klei riba un pieza di driftwood. Tambe lo usa verf pa decora e cara di Buda segun propio inspiracion y bou guia di Maja.
E workshop ta di 18.00 te 20.00 y e ta tuma luga den e centro creativo di Cosecha cu ta situa na San Nicolas. E workshop ta costa 65,00 florin y e prijs tambe ta inclui material y algo pa refresca garganta.
Inscripcion ta tuma luga na Cosecha San Nicolas of na Cosecha Oranjestad. Pa mas informacion por tuma contact cu Cosecha San Nicolas na telefon 5878708 of Cosecha Oranjestad na telefoon 5878709.
Tambe por bishita e Facebook page di Cosecha: www.facebook.com/Aruba-Cosecha pa mas informacion.