Diaranson dia 28 di Juni, Cosecha ta cuminsa cu dos workshop cu lo wordo ofreci regularmente na Cosecha. E prome workshop lo ta pa esunan di mas chikito (mucha te cu 6 aña y nan mayornan/care takers) y e di dos ta pa nos grandinan.
Durante e tayernan aki, participantenan ta wordo instrui cu tecnicanan basico di e arte di pinta. E artista cu lo guia e tayernan aki ta Lorraine Evans, kende tin experiencia amplio den duna e tipo di tayer aki na tur dos grupo di edad.
E orario pa e grupo di mucha ta di 2’or pa 2’or y 45 di merdia. E orario pa e grupo di grandinan ta di 10 am pa 12 or di merdia. Tur dos tayer lo tuma luga den e centro creativo di Cosecha, cu ta situa na San Nicolas.
E tayernan aki lo tuma lugar riba diaranson durante 6 siman. E dianan ta Juni 28, Juli 5, Juli 12, Juli 19, Juli 26 y Augustus 2. E ta costa 30 florin pa participante pa full e tayer di 6 les. E prijs tambe ta inclui material.
Inscripcion ta tuma lugar na Cosecha San Nicolas of na Cosecha Oranjestad. Pa mas informacion por tuma contact cu Cosecha San Nicolas na telefoon 5878708 of Cosecha Oranjestad na telefon 5878709.
Tambe por bishita e Facebook page di Cosecha: www.facebook.com/Aruba-Cosecha pa mas informacion.