Sra. Soraida Wever, Manager di Cosecha Aruba a splica nan participacion den e evento aki pa asina celebra dia di mama trempan y asina yuda tur hende cumpra algo diferente pa e mama stima.
Diadomingo awo na Experience San Nicolas Cosecha lo tin un workshop di Origami. Pa esunnan cu no sa kico ta Origami, esaki ta e arte di papel. Loke ta bay haci hunto cu e artista Derrick Chong, lo bay traha un bouquet di flor.
Sra. Wever kier a invita famia, amistadnan pa bin experencia un workshop unico na Cosecha na Creative Center.
Cosecha na San Nicolas ta keda tegenover di O’Neil Caribbean Restaurant. Hopi biaha ora di menciona esaki, ya hendenan sa caba unda e ta situa. E adres ta B.v.d. Veen Zeppenfeldstraat 20, na Ex- Promenade Restaurant.
E workshop mes lo tuma luga for di 11 or di mainta pa 1 or di merdia. Pero e tienda ta habri for di 10 or di mainta te cu 2 or di atardi. Sra. Wever ta invita tur hende pa bin cumpra nan regalo pa Mama na Cosecha na San Nicolas. Nan tin joyas, diferente obra pa pone ariba mesa. Diadomingo awo por bin check diadomingo awo e regalo special pa un ser special cu ta e mama.
Por ultimo Sra. Wever a splicu Alancar y La Aruba tin descuento special pa e dia aki. Por favor pasa na e pacusnan cu ta participa hunto cu Experience San Nicolas. Tur e informacion por wordo haya ariba e Facebook page di Experience San Nicolas mes.