Na Stadionweg diadomingo anochi automobilistanan tabata mira un homber na rudia ta yora y grita memei caminda band’i e stadion y no sa kico tabata pasando y a pidi asistencia policial. Polis a presenta y a topa cu e homber suso y el a bisa polis cu cos a caba entre e cu su pareha y el a keda suso riba caminda.
Polis a tuma dato y papia cu e homber y a bandona e sitio. Despues di algun minuut personanan pasando e caminda a mira dos homber pleitando formal cu otro n’e mes un caminda y a yama polis, un gritamento, homber a bay na rudia yora. Patruya di Oranjestad di biaha a presenta y topa cu dos homber papiando cu otro, a constata cu e dos homber aki a pone fin na e relaciona y e jong no ta compronde y tabata kier a sigui su caminda.
Polis a intermedia y pidinan pa papia cu otro pa tin un final felis y na paz cu otro.