Boneiro: Riba 15 di ougùstùs, Korte di promé instansia di Boneiru a kondená kuater homber pa importashon di 12,7 kilo di mariwana i pa posishon di 200 patronchi di bala. E droga i tambe munishon tabata prosedente di Venezuela i a wòrdu tresé ku boto. Dos di e hombernan ta prosedente di Boneiru méskos ku e boto ku a wòrdu usá. E dos otro hombernan ta prosedente di Venezuela. Wardakosta a buska kontakto ku Mareshosé na Boneiru. Den koperashon ku Duana a bin topa ku tres di e hombernan den e area di pal’i mangel. Despues a detené e kapitán di e boto tambe. E boto a keda konfiská.
E kuater hombernan a keda kondená na un kastigu di prizòn di 2 aña, di kual 6 luna ta kondishonal ku un periodo di prueba di 3 aña. Riba demanda di Ministerio Públiko, Korte a konfiská e boto. Tantu e boto komo e kapitán ta indispensabel i pesei parti importante pa importashon di artíkulo prohibí i strañeru illegal. For di e punto di bista aki, konfiskashon di e boto, un kastigu ekstra pa e kapitán ta na su lugá. E boto lo wòrdu destruí. Laga esaki ta un atvertensia pa tur doño di boto.