PORTO ALEGRE, Brazil— Diaranson, e icono di izkierda, Luiz Inácio Lula da Silva a perde su apelacion di e sentencia contra di corupcion. E veredicto ta pone un sombra ariba su candidatura pa presidencia na Otober, un eleccion cu segun encuestanan ta dun’e como ganado.
Lula da Silva a nenga e cargonan y su abogadonan a hura di “uza tur metodonan legal posibel” pa apela e decision aki, incluyendo hiba e caso te den Corte Superior di Brazil. Esaki a crea un escenario sin precedente den un debate entre expertonan legal.
Decenas di miles di simpatisantenan di e ex presidente a subi cayanan di e ciudad Sureño Brazilero, unda cu corte a dicta cu ‘Lula’, manera e ta conoci, a acepta un apartment bandi lama como un soborno den un escandalo di corupcion cu a sacudi Suramerica.
Su partido Laboral no a duna señal di entrega nan lucha pasional pa mantene Lula da Silva den e careda presidencial, yamando e sentencia di diaranson “e comienso di un careda largo, cu, danki na e boluntad di e pueblo”, lo pone camarada Lula bek den e presidencia.
Fuente: https://www.wsj.com