DEN BOSCH, Hulanda- Un biaha mas Corte di Apelacion na Den Bosch ta condena tres miembro di e famia L. na 15 aña di prizon pa nan participacion den e asina yama “zoutzuurmoorden” riba Alan Gregeri (24) y Mohammed al Jader (24).
E caso ta bay tocante e asesinato di dos Iraki cu a disparce na 2009 y 2011. A resulta cu e dos personanan aki a wordo asesina y nan curpa a wordo disolvi den un bari yena cu acido chloridico. E resto a wordo hiba door di e riu.
E exigencia ta mescos cu esun di tres aña pasa. E tempo ey hof a habri e caso di nobo door cu tabata tin mester di mas investigacion. Segun husticia, tanto e mama Els L. y tata Hub L. ambos merece 15 aña di prizon.
E yiu muhe Rachelle lo mester a haya 12 luna, di cual cuater ta condicional.
Fuente: http://www.nu.nl/