Corte di Apelacion lo trata caso Speeltuin dialuna awo

Dialuna awo Corte di Apelacion lo trata e caso conoci como Speeltuin. E caso aki ta uno cu a shock comunidad, caminda cu e dos criaturanan Rishandro y Eugene a perde nan bida. E caso a wordo trata aña pasa, pero e padrastro a apela su caso y Corte di Apelacion lo trata e caso “inhoudelijk” dialuna, 15 di april proximo. E ta programa pa cuminsa 9 or y 30 am.

CASO
Gabriel M. a wordo acusa di homicidio y severamente maltrata e criaturanan Rishandroh y Eugene. Banda di esey, e tabata acusa di a maltrata e co-sospechoso den e caso aki, esta e mama di e dos criaturanan, y tambe pa e hecho cu e la dera e curpa di Eugene. Ministerio Publico a conclui cu e hechonan presenta a keda proba pa cual a exigi un castigo di prizon di 15 aña y e medida di TBS (tratamento psychiatrico obligatorio) . Banda di esey, OM a pidi pa ehecuta un sentencia bieu di castigo di prison condicional.

Aña pasa na juli, Corte a dicta sentencia caminda cu e padrastro Gabriel M. a ricibi 15 aña di castigo incondicional di prizon, combina cu TBS (Ter Beschikking Stelling) obligatorio, despues di cu el a sinta 10 aña di su castigo. Loke mas a hala atencion di e caso aki, ta e hecho cu Gabriel M. a dicidi di no presenta den corte pa asina ricibi su sentencia. Famia tampoco tabata presente.

Comments

comments