Corte Comun di Husticia a trata awe e apelacion cu a wordo entama siman pasa door di Ministerio Publico contra e decision di Corte den Prome Instancia pa suspende e detencion preventivo di tata di un baby gravemente maltrata. Den e decision pa suspende e sospechoso aki, Corte a laga e circumstancianan personal di e sospechoso pisa mas cu e motibonan di procedimento penal, y a manda e sospechoso cas.
Corte Comun di Husticia no a bay de acuerdo cu e decision di Corte den Prome Instancia y a dicidi cu e motibonan di procedimento penal ta pisa mas cu e circunstancianan personal di e sospechoso. Esey kiermen cu e sospechoso mester bolbe KIA, cu ta loke Ministerio Publico a boga pe tambe.
Un punto importante pa Ministerio Publico den e apelacion tabata, cu e topico di maltrato di mucha y abuso di mucho ta importante pa comunidad di Aruba, y cu lo manda un señal robes pa comunidad cu suspension di e sospechoso aki.