Diasabra mainta pa merdia riba e caminda di Pos Chikito altura di Isla di Oro, tabatin trabounan andando pa e compania encarga cu e caminda den construccion. Pero mester a kita un mata di kwihi pa asina drecha e caminda cu ta conecta entre caminda principal y esun cu ta bay patras.
Ta buscando mas espacio pa loke ta e caminda di 4 banda. Pero e kitamento di mata di kwihi no a cay den bon tera. A corta e mata di kwihi por completo. Riba Facebook tabatin hopi critica di automobilista cu a capta esaki y duna su comentario y mas hende a share e potretnan cu nos ta comparti.
E trahadonan no tin e culpa pa e cortamento di e mata aki, ta ordo nan ta haya pa cumpli cun’e, pero sigur esaki ta ordo cu ta bin di halto e ingenieronan cu tin na DOW cu ta esnan cu a pinta e caminda y kico tur mester kita pa asina e caminda keda cla. Ta mescos cu e cortamentonan di mangelnan na e brug di Spaans Lagoen y tambe e cortamento di matanan di kwihi den Rooi Frances. Un vierbaanseweg cu a destrui parti di nos naturalesa, tabata e comentarionan disgusta ariba Facebook.