Aruba Softball Bond satisfecho cu e desaroyo di e prome campeonato oficial di WBSC / CONSURSA e di XIII femenino mayor. Aruba ta “host” e campeonato aki y ta e prome den historia di softball di Aruba. Mester acentua cu weganan ta di un nivel hopi halto y pues un softball di calidad. Venezuela kende a caba di regresa di un mundial cual a tuma lugar na Chiba, Japon den luna di Augustus a enfrenta Corsow kende tin un tremendo equipo. Corsou su batenan a luci den e wega contra Venezuela y su pitcheo tambe a sobresali pa asina logra un victoria contra e seleccion “vino tinto” Venezolano di 4-2. Corsou 4 careda, 8 hit, 3 error y ta laga 7 coredo den circulacion. Venezuela 2 careda, 3 hit, 2 error y ta laga 5 coredo na base. Miho batiadonan pa Corsou a resulta Shanysse Emerenciana y Lee Ann Craanberg ambos a bay di 4-2, Suheydi Faneyt 2-1, Deidra Da Costa Gomez 1-1, Michenon Marselia y Xiarysse Emerenciana di 3-1. Pa Venezuela a destaca na plato Denisse Fuenmayor y Yulexis Barrios ambos di 3-1, Stephany Suarez di 2-1. Shanna Tevrede ta resulta pitcher ganado lansando 5 inning, 23 bola y 43 strike pa un total di 66 lansamento. Shanna ta wordo releva pa Richelle van Gennip kende ta lansa 2 inning pa un total di 28 pitch. Venezuela a usa un total di 4 lansado. Maria Gomez ta lansa 2 inning y ta resulta pitcher perdedor y ta wordo releva pa Giorianny Lara kende ta tira 2 inning y 2 tercio mientras Eidy Tortolero ta lansa 2 inning unda Michelle Floyd ta bin cera e wega. Diabierna tabata weganan pa final pa medaya.
Nos lo informa di esaki den un proximo bulletin.