WILLEMSTAD- Corsou ta sinta cu’n grupo di 180 refugiado for di Venezuela. Via e organisacon UNHCR na Washington, nan a haya asilo y nan no por wordo expulsa. Pero bou di e circumstancianan actual di leynan di Corsou, e personanan aki ainda no tin un status legal: nan no tin derecho ariba beneficionan social y tampoco nan mag di traha,
Minister di Husticia Quincy Girigorie ta admiti cu tin un problema, pero ta bisa cu no tin fondo pa yuda e personanan aki. Corsou ta bou di supervision financiero di Reino y ta confronta un deficit presupuestario.
Corsou ta spera di haya yudansa for di Den Haag, pero p’aworaki Minsitrer Stef Blok di Relacionnan Exterior ta limita su mes na sosten na migracion y financia e construccion di extra celnan pa cera e migrantenan Venezolano cu ta en espera di wordo deporta.
“Hulanda tin su mesun realidad”, segun Girigorie. “Pero nos problema di migracion ilegal ta mas grandi y ta algo cu mester wordo trata en conhunto”. Segun e minister, esaki no ta e caso aworak, pero e combersacionnan ta tumando luga, tanto formal como informal. Pero pa e grupo di 180 persona, no tin un solucion a corto tempo.
Sin trabao, sin diploma
Pa e grupo di 180 ainda no tin un solucion a corto plazo. Dos di e 180 Venezolanonan cu’n status di refugiado via di Nacionnan Uni ta Arturo Morillo y su señora Darline. E tabata polis y a wordo menasa pa motibo di su conviccion politico. Tres aña pasa el a huy bay Corsou cu su famia.
Tanto Arturo, como su casa, no mag di traha y door di esey, toch nan ta hibando un bida di un ilegal. “Mi famia mester come, dus mi no tin otro opcion”. Su casa ta agrega: “Laga nos traha, asina nos tambe ta contribui na e economia di Corsou”.
Nos mag di keda aki, pero mas nada”, Darline ta bisa. “Mi dos yiunan ta bay scol door di leerplicht. Pero ora cu nan caba di studia, nan no ta haya diploma”.
Fuente: NOS