Ronald van Trigt presidente di ATIA, diaranson mainta a splica di un evento cu lo bay tuma luga dia 10 di november pa cual esaki ta un evento pa nos comerciantenan local.
E evento aki lo ta ATIA su Corporate Event, cual ta eventonan cu ta hala hopi atencion. Sr. van Trigt a sigui bisa, cu sin e personanan cu ta kere den e tipo di eventonan aki pa comercio, bo no por logra haci eseynan. P’esey Sr. van Trigt kier a gradici CMB, cu ta realisa e importancia di sostene ATIA y tambe su evento di dia 10 di November, siendo nan sponsor mas grandi. ATIA ta masha gradicido pa e relacion estrecho cu nan tin cu CMB.
Tambe tin otro sponsornan cu nan a contribui na dje, manera ENNIA, cu semper tambe ta un partner di ATIA, mescos cu ta SETAR, TOTAL FINANCE, tur ATIA ta gradici pa nan confiansa y sosten na e evento grandi aki. Ta importante pa para keto un rato na e persona di Hans Biesheuvel, cu lo ta e orado invita e anochi aki. Biesheuvel ta un persona cu un trayectorio basta impresionante na Hulanda. E ta un fundado di un organisacion cu yama Ondernemend Nederland, cu ta un organisacion cu ta dirigi y cu vision di comercio y comerciantenan, ta concentra specificamente ariba e Midden- en Kleinbedrijf na Hulanda. E midden- en kleinbedrijf ta e wes’i lomba di nos economia.
Na 2013 Sr. Biesheuvel a cumisna cu e organisacion aki y ATIA ta wak cu entusiasmo pa e dia 10 di November aki, unda cu e lo bin elabora ariba e importancia di empresanan chikito y mediano, segun Sr. Ronald van Trigt, di ATIA.