Diahuebs na Anglo Kleuterschool, tabata tin e acto di coronacion di e hobencita, Loulou Tromp cu lo ta bay ta compitiendo den e eleccion di Reinanan Cultural den e categoria di Baby Cultural organisa pa Centro Bario Brazil Aruba representando Anglo Kleuterschool. Den e acto di coronacion tabata tin presente medionan di prensa kende nos ta gradici pa nan presencia, cabesante di scol, sra Marieta Croes pa e tremendo sosten, maestronan presente, muchanan cu yen di alegria y fiesta, famia cu nunca por falta pa sigui e pasonan di un strea manera Loulou y sin laga afor e conocinan cu sigur nan ta comprometi caba pa bin sostene grandemente dia di eleccion. Sr Stan Dabian PR di DCA, a hiba palabra y a introduci sra Croes Marieta pa bisti E shart di nan reina y e acto di coronacion tabata den man di Sr Siegfried Dumfries, Director di Departamento di Cultura Aruba. Hopi exito y bendicion pa Anglo Kleuterschool, Loulou y famia completo, Pabien Joanna Croes y casa pa sigui sostene un criatura asina bunita y speial manera nos prenda stima. Danki na sra Zenovia Wever y Afranina Henriquez pa e tremendo sosten. Sigur e mami lo tin hopi hende mas pa gradici pa nan tremendo sosten..