SAN JOSE, Puerto Rico – Un incendio den e Central Aguirre di e Autoridad di Energia Electrica (AEE) na Salinas, a provoca un problema cu a mantene miles di abonado atrabes di henter Puerto Rico sin luz, segun fuentenan oficial.
Geraldo Quiñones, oficial di prensa di AEE, a bisa cu ta trata di un fayo generla na nivel di e isla.
“Nan ta investigando e causa y e sectornan afecta,” el a indica.
Segun AEE a informa por escrito, e problema ta den dos liña di transmision di 230 mil watt.
E vocero di Cuerpo di Bombero, Juan Vega, a concede preliminarmente cu e personal di e Division di Operacionnan Special di e dependencia aki, a wordo mobilisa pa e Central Aguirre pa atende e emergencia. Tambe el a señala, cu nan ta ofrece apoyo oficial di e stacionnan di Patillas, Guayama, Ponce y riba 20 cadete di e academia di e Cuerpo di bombero. Segun e hefe di bombero y director ehecutivo di e Aemead, e candela a logra controla den un ora y 20 minuut.
Un fuente a indica cu e interupcionnan riba liñanan 5 y 6 di Aguirre, loke a provoca cu e demas substacionnan di e corporacion publico a keda sin servicio.
Riba su cuenta riba e red social Twitter, e ex presidente di e Union di Trahadonan di e Industria Electrico y Riego (UTIER), Ricardo Santos, a mustra cu e fayo na un incendio na Aguirre y na e problemanan administrativo di e corporacion publico.
“E blackout general den henter PR, candela na Central Aguirre y San Juan ta out. Pasa e factura pa e descalabro administrativo,” Santos a expresa.
Mientras, e ex miembro di e hunta di Gobierno di AEE, Luis Santini Gaudier, a bisa cu e tabata tin informacion preliminta cu ta trata di un “blackout” y no di un “relevo di carga”, y hasta e islanan municipio di Vieques y Culebra a wordo afecta.
Fuente: Primera Hora (http://www.primerahora.com/)