Diaranson prome cu 6’or atardi varios area rond di Seroe Patrishi coriente a bay y a compronde cu esaki a keda afecta te na Paradera debi na un blaas helium, Elmar di biaha a saca un informacion: cu e problema tabata na nan sub station Sabana Blanco.
Bon nochi miembronan di prensa . Aki un relato di e storing di awe tardi.
DEN UN TEMPO RECORD ELMAR TA LOGRA RESTABLECE CORIENTE AWE TARDI
Diaranson atardi pa 5:44 a drenta melding di un storing na Sabana Blanco,Primavera,Paradera,Rooi Afo y vecindario. Na momento cu nos techniconan a jega a cuminsa traha mesora riba identificacion di e causa cu a ocasiona e storing aki .A bin descubri cu e causa di e storing aki tawata un blaas di helium. Pa 6:30 pm awe tardi ELMAR a logra restablece coriente pa tur e areanan afecta.
Nos kier consientisa pueblo cu e blaas di helium ta traha di un material di aluminium.
Aluminium ta un metal conductivo, na momento cu blaas aki jega den contacto cu nos linjanan di coriente , esaki ta ocasiona un corto circuito.
Laga nos tur sea mas conciente ora di uza blasnan di helium y purba pa no laganan bula bai.
Nos ta gradici tur nos techniconan cu a actua imediatamente pa resolve e storing di awe tarde.
Nos disculpa pa e inconvenencia cu e storing aki por a ocasiona.