PYONGYANG, Corea del Norte- Cu’n serie di potretnan cu indirectamente ta mustra un diseño nobo di un proyectil, Corea del Norte ta manda un mensahe cu e ta trahando ariba un misil intercontinental. E lo ta un mas potente y uno hamas antes proba, segun expertonan.
Si e yega na wordo desaroya, un ICBM asina lo ta capas di yega cualkier parti di e territorio continental di Merca, incluso Washington y New York.
Medionan estatal Norcoreano a publica potretnan diaranson anochi cu tabata mustra e lider di e pais, Kim Jong Un, cu’n diagram di un raket di tres fase bautisa como Hwasong-13.
Expertonan den misilnan, cu ta examina den detaye e imagennan aki buscando pistanan riba e programanan armamentistico di Pyongyang, a indica cu no niun prueba cu e raket a wordo desaroya por completo. En todo caso, e no wordo proba y ta imposibel calcula e posibel alcance, expertonan a agrega.
Asina mes, un raket di tres fase lo ta mas potente cu e ICBM di dos fase Hwasong-14 cu a wordo getest na dos ocasion na Juli.
Fuente: http://www.noticiasrcn.com/Internacional