Core cu plachi number oraño cu blanco 2011 ta ilegal

0

Personanan cu ta coriendo cu number oraño cu blanco di aña 2011, logicamente nan ta haciendo algo contra di ley. Den e simannan cu ta sigui, lo bay tin contacto cu Cuerpo Policial pa tin e extra vigilancia ey ariba caya. Sra. Meverly Romano, di SIAD ta splica.

Esaki no ta permitibel pa ley. Ta pidi comunidad cu na momento cu ta ripara cu algo no ta bon, cu tin un auto cu ta coriendo cu’n number cu no ta corecto, e persona cu ta bezig ta ‘cheat the system’, ta pidi pa avisa autoridadnan. Departamento di Impuesto por acerca FIOD pa haci e investigacionnan necesario, pasobra cu’n persona cu ta bezig ta actuando ilegalmente, dado momento e mester para pa su actonan, na dado mometno. Comunidad por yuda hopi bon den esaki. Tur hende ta ariba caya, tur hende por wak kico ta pasando. Por avisa sea Departamento di Impuesto of Polis pa e hendenan aki.

E numbernan di auto di 2011 no ta igual cu e color oraño di 2019. E tipo di coating cu tin e plachi ta un otro tipo di loke nos ta custuma cun’e. E coating cu tin ariba e plachi no ta djis verf pasa ariba e plachi. E coating cu tin ta manera un film special cu ta wordo kima ariba e plachi. E no ta djis wordo gespuit, pero e ta un proceso cu e ta pasa, cu na dado momento ta kima e film ariba e plachi pa por tin e structura di e tipo di film ey, ya cu ta e un color cu ta un poco reflectivo.

Sra. Romano a sigui bisa cu a cambia e tipo di letter y cifra cu tin ariba e plachi. P.e. e number 7 of 8 no ta igual cu tin ariba e plachinan cu conoce te awo. Tin cierto detayenan cua cambia ariba e plachi, p’esey mas despues lo percura pa informa Cuerpo Policial di esaki. Lo zorg pa Cuerpo Policial haya un ‘sample’ di plachinan nobo, pa nan wak e detayenan y por reconoce e detayenan masha lihe mes for di leu. Por wak p.e. cu e cero den e plachi nobo no ta igual cu e di e plachi bieu. E cambia e tipo di letter di e plachinan aki, di tal forma cu p.e. un 6 no por bira un 9 tampoco. Un 3 no por bira un 8. E ta un tipo di font special cu no por wordo falsifica facilmente. Ta detayenan cu ta wordo introduci den e plachi 2019, aunke nunca no por ta 100% sigur di e plachi no por wordo falsifica, segun Sra. Meverly Romano.

Comments

comments