Diahuebs atardi riba caminda di Tanki Leendert patruya di Noord a duna chauffeur di un nissan note señal pa parapa atende cu e plachi bieu pero esaki a intenta di core bay pero a para banda di los cafeteros. Polis a atende cu e chauffeur di biaha y a pidie pa e documento di auto debi cu e tin plachi number blauw. E auto no tin, seguro, ni belasting paga y e chauffeur ni rijbewijs. A bay over na detene di biaha y aki e homber a cuminsa bringa cu e oficial, kibra su bril, laga e oficial herida y te hasta kibra su carson. A tuma e auto den beslag, pa sorpresa di e oficialnan ora a bay coba den e auto wak si ta topa cu algo iregular a topa cu dos sker, pochi marihuana, y placa. A tuma esaki den beslag y e homber lo keda pasa dilanti un sub fiscal.