MOSCU, Rusia- E strea di PSG a yega Sochi hunto cu e ekipo cinco biaha campeon di mundo, mustrando un rugtas luhoso. “Scratch” ya caba ta na e nan luga di concentracion: dia 17 di juni nan lo hunga contra Suisa, pa e prome partido di Grupo E.
E seleccion di Brazil a yega Sochi, luga caminda cu nan lo hospeda durante e prome fase di e mundial di Rusia. E yegada di Scratch no solamente a impacta pa e su figuranan, manera Neymar, pero tambe e rugtas di e strea di PSG a hala atencion.
Dialuna marduga, e ekipo dirigi pa Tite a yega Rusia y a wordo instala den e hotel unda cu nan lo hospeda. E comite berde/geel a baha di e avion bisti cu trahenan luhoso y a wordo ricibi pa autoridadnan local cu’n grupo musical di folklore Brasilero. Entre baile y harimento, e cinco biaha campeon di mundo a drenta e hotel udna cu nan lo hospeda e prome parti di e competencia.
Tur e miradanan tabata fiha ariba e capitan di e ekipo, no solamente pasobra cu ta trata di un di e figuranan di talla internacional, sino pasobra cu ademas e luci un tas ordo valora na mas di 700 euro.
E tas di marca Nordstrom Rack a wordo personalisa specialmente pa e hungado di 26 aña. Riba e tas su parti dilanti, por aprecia e imagennan borda di su famia. E cara di su tata, mama, ruman muhe y su yiu homber, den un sorto di homenahe cu Ney ta rindi na su famia.
Brazil ta yega Copa di Mundo como un di e gran faboritonan pa keda cu e trofeo y cu cifranan cu ta duna miedo: despues di a gana e ultimo cuater weganan amistoso contra di Rusia, Alemania, Croacia y Austria sin ricibi gol en contra, e Canarinha ta acumula 17 victoria, tres empate y apenas un wega perdi den e ciclo di Tite.