MOSCU, Rusia- Tabata ocho eliminatorio tras di otro cu e fanaticonan di Peru mester a wara pa por apoya nan seleccion den un cita mundalista.
E seleccion Peruano di futbol lo bolbe disputa un Copa di Mundo despues a wak su soño frustra durante 36 aña.
Trainer Ricardo Gareca ta esun cu trece speransa pa e Peruanonan. Manera un suerte di bruha, e Argentino a core cu tur e malasuerte cu a persigui e seleccion desde 1985, ora cu’n gol di dje mes, como hungado di e ‘albiceleste’ a laga pafo di e soño Mundialsita di Mexico 86.
For di e tempo ey, Peru no a clasifica. Un tras di otro, e eliminatorianan di Italia 90, USA 94, Francia 98, Corea del Sur-Japon 2002, Alemania 2006, Sudafrica 2010 y Brasil 2014 a pasa sin cu e oncena a logra cumpli cu nan soño di scucha nan himno den un torneo asina.
Na 2015, Gareca bira director tecnico di e seleccion y, partido pa partido, e caminda a bay ta habriendo te cu e 2-0 contra di New Zealand cu cual Peru a clasifica pa Rusia 2018, cu’n gol na e di 90 minuut: e ultimo dia y e ultimo partido di e eliminatorionan.