MOSCU, Rusia- E ekipo Europeo a keda na di dos luga bou di Brazil, cu a derota Serbia 2 pa 0. Den e ultimo partido di grupo E di mundial di Rusia 2018, e selección di Suiza a empata cu Costa Rica 2-2. E resultado aki a dunanan e pase pa e siguiente fase cu 5 punto acumula den 3 partido hunga.
E grupo ta wordo lidera pa Brazil cu a termina cu 7 punto, despues di un empate y dos victoria.
Awo e helveticonan lo midi forsa cu Suecia, e prome den grupo F, unda Mexico a keda na di dos luga y Alemania a wordo elimina. Di otro banda, e Brazileronan lo enfrenta e Aztecanan den e siguiente buelta.
Blerim Dzemaili a anota e prome gol pa Suiza, na di 31′ di e prome tempo. Aunke e tabata parce un partido facil, e Costaricensenan, ya elimina, no a give up y a logra empata e wega cu’n gol di Kendall Waston na di 55′.
Ora cu apenas tabata falta dos minuut reglamentario, Josip Drmic a bolbe duna Suecia e delantero. Ta parce cu no tabata tin tempo mas pero na di ultimo minuut, y despues di cu VAR a anula un gol di Costa Rica, Bryan Ruiz a cambia esaki pa un gol pa pone e cifranan definitivo.